Kryetari i AAK-së, njëherit kandidat për kryeministër, Ramush Haradinaj ka thënë se Kosova flen në thëngjill por qytetarët s’kanë energji elektrike.

Në një postim në Facebook, Haradinaj shton se vendi është një nga më të ndoturit, dhe se tregtinë e energjisë e bëjnë tuxharët e mafisë energjetike.

“Kosova sot flen në thëngjill e s’ka energji. Është vendi me ajrin më të ndotur, ku tregtinë e mallit më të kërkuar – energjisë, e bëjnë tuxharët e mafisë energjetike”.

“E kemi dhënë fjalën që Kosovën ta shndërrojmë në superfuqi energjetike me kapacitet prej 1500 MW, dhe do ta mbajmë”, shton ai.