Ramush Haradinaj – Lideri i AAK-së, ka thënë se Qeveria Kurti sa më parë duhet t’i plotësojë kërkesat minimale të sindikatave.

Haradinaj këtë e tha përgjatë një vizite në qytetin e Gjilanit, raporton Gazeta10.

Përmes një njoftimi për medie, bëhet e ditur se pari i AAK-së diskutoi me qytetarë për dialogun, situatën ekonomike në vend, krizën në arsim si dhe problemet lokale të gjilanasve.

“Roli udhëheqës i Shteteve të Bashkuara të Amerikës në dialogun mes Kosovës dhe Serbisë, garancia e tyre për marrëveshjen gjithëpërfshirëse me njohje reciproke, janë shumë të rëndësishme për vendin tonë.

Duke folur për krizën në arsim, vlerësova se Ligji i Pagave, ishte i dyti sipas rëndësisë, pas ligjeve të Ushtrisë, gjatë kohës kur isha kryetar qeverie. Qeveria sa më parë, të plotësojë kërkesat minimale të sindikatave dhe sa më parë të sjellë për miratim Ligjin e Pagave”, bëhet e ditur në njoftim./Gazeta10