Haradinaj-Qeverisë: Të paditur dhe praktikant

Kryetari i Aleancës për Ardhmërinë e Kosovës, Ramush Haradinaj, ka reaguar për të dytën herë lidhur me zhvillimet në veriun e Kosovës, ku ka drejtuar kritika ndaj Qeverisë Kurti, shkruan Gazeta10.

Haradinaj ka thënë se veprimet nuk duhet të mbesin në gjysmë sepse kështu dëmtohet Kosova.

Kryetari i AAK-së ka thënë se shteti i Kosovës nuk rrezikohet vetëm nga bandat kriminale në veriun e vendit por edhe nga të paditurit dhe praktikantët në qeveri.

Tutje, Haradinaj ka bërë ftesë që të shftytëzohet me seriozitet afati prej 30 ditësh për zbatimin e reciprocitetit.

Këtu keni statusin e plotë:

“Kosova nuk e ka komoditetin të bëjë eksperimente. Operacionet e sigurisë për shtrirjen e sovranitetit, duhet të studiohen, të analizohen e të shpjegohen mirë. Çdo veprim i lënë në gjysmë të rrugës, siç ishte ai i mbrëmshmi, është humbje për Kosovën.

Zbatimi i rendit dhe ligjit është i pa alternativë dhe duhet të bëhet në konsultim të ngushtë me aleatët e sigurisë.

Afati prej 30 ditësh për zbatimin e reciprocitetit duhet të shfrytëzohet me shumë seriozitet.

Shteti i Kosovës nuk dobësohet vetëm nga bandat kriminale në veri, por edhe nga të paditurit e praktikantët në qeveri.

Kushtetuta e vendit është më e fortë sesa kriminelët në veri, e të paditurit e praktikantët në qeveri.

Qeveri, nëse hala je qeveri, voto ligjet e forcoje Policinë, ligjn për paga dhe ligjet për sigurim shëndetësor e pensional. Nëse s’je qeveri, do të shihet me 31 gusht”, ka shkruar Haradinaj në llogarinë e tij në Facebook. / Gazeta10