Kryetari i Aleancës për Ardhmërinë e Kosovës, Ramush Haradinaj, ka vizituar festivalin ndërkombëtar të filmit dokumetar dhe atij të shkurtër, DokuFest, teksa ka thënë se përmes tij po vendoset Kosova në hartën e botës, raporton Gazeta10.

Haradinaj ka thënë se festivalet si DokuFest kanë dëshmuar vlera të mëdha kulturore të Kosovës.

Tutje, Haradinaj, ka thënë se ky festival po mbledh rreth vetes tusitë të shumtë.

Ai ka falënderuar ata që po e bëjnë Kosovën krenare.

Këtu keni postimin e plotë:

“Festivalet ndërkombëtare, si DokuFest, kanë dëshmuar për vlerat e mëdha kulturore të Kosovës dhe aftësinë e saj për të organizuar evente me peshë globale.

DokuFest, me angazhim të pandalshëm, po mbledh rreth vetës, përpos turistëve të shumtë, edhe njerëz të njohur të botës së artit, duke e renditur kështu Kosovën, në hartën e ngjarjeve të mëdha botërore.

Faleminderit të gjithë atyre që na bëjnë krenarë me veprat e tyre”, ka shkruar Haradinaj në llogarinë e tij në Facebook. / Gazeta10