Ish kryeministri i Kosovës, Avdullah Hoti, ka përkujtuar vrasjen e Enver Malokut, raporton Gazeta10.

Ai ka thënë se vrasja e tij ishte vrasje e fjalës së lirë.

Më tej, Hoti ka thënë se LDK e vlerëson shumë kontributin e tij për liri dhe pavarësi.

“I përjetshëm qoftë kujtimi për jetën dhe veprën e Enver Maloku”, ka shkruar Hoti ndër të tjera.

Këtu keni postimin e plotë:

“Sot, përkujtojmë intelektualin, patriotin, gazetarin dhe bashkëpunëtorin e Presidentit Historik Dr. Ibrahim Rugova, Enver Malokun.

Veprimtaria e tij e bujshme për liri dhe pavarësi e portretizojnë më së miri jetën e Enver Malokut.

Vrasja e tij ishte vrasje e fjalës së lirë e tentim për të ndalur rrugën e lirisë dhe pavarësisë.

Lidhja Demokratike e Kosovës vlerëson shumë kontributin e tij për liri dhe pavarësi.

I përhershëm qoftë kujtimi për jetën dhe veprën e Enver Malokut”, ka shkruar Hoti në llogarinë e tij në Facebook. / Gazeta10