Ndeshja mes Iranit dhe Shteteve të Bashkuara është vendimtare për të dyja kombëtaret në Kupën e Botës 2022, por ajo është rrethuar nga çështjet politike po ashtu, pas një konference të çuditshme për media që i theksoi edhe më shumë tensionet mes këtyre dy vende.

Fituesi i kësaj ndeshjeje, që do të luhet sonte në orën 20:00, do të kalojë në rrethin e 16 më të mirëve në Kupën e Botës në Katar nga Grupi B.

Para kësaj përballjeje, Federata e Futbollit e Amerikës i përkrahu gratë në Irani duke mos e përdorur flamurin e Shtetit Islamik të Iranit në postimet e veta në rrjetet sociale.

Në Iran janë duke u mbajtur protesta të mëdha që prej vrasjes së 22-vjeçares Mahsa Amini, e cila vdiq në paraburgim pasi ishte arrestuar nga e ashtuquajtura policia e moralit sepse nuk e kishte vendosur siç duhet shaminë në kokë.