Analisti Krenar Shala në emisionin “Kampionët” ka vlerësuar lartë mbulimin televiziv të kampionatit përmes platformës Vala, duke e lidhur këtë me investimet e bëra nga kryeministri Albin Kurti.

Shala u shpreh se për shkak të këtyre investimeve kishte vendosur ta përdorë këtë shërbim, ndërsa theksoi se përvoja e shikimit kishte qenë shumë e kënaqshme.

Sipas tij, i vetmi “problem” gjatë ndjekjes së ndeshjeve ishte dilema se çfarë të hante gjatë kohës së transmetimeve.

“Pas investimeve marramendëse që i ka bo kryeministri Kurti në Vala e kom pa të arsyshme me marrë shërbimin e tynve, jom knaq tu e kqyr, të vetmin problem e kom pas me shku në kuzhinë edhe me kqyr qa kome honger, ka qenë një ndër kampionatet ma të mira”, tha Shala./Gazeta10