Klubi i basketbollit Rahoveci ka arritur transferimin e një lojtari tjetër të huaj, raporton Gazeta10.

Amerikani, Isaiah Manderson, është basketbollisti i radhës që kalon në radhët e ‘Vreshtarëve’.

Manderson është i gjatë 208 centimetra dhe luan në pozitën 5.

Qendra amerikaneë vjen te Rahoveci pas një experience të gjatë në basketbollin evropian dhe në atë latino-amerikan.

Në të kaluarën Manderson është paraqitur në ligat elitare të Qipros, Maqedonisë Veriore, Islandës, Sllovenisë, Porto Rikos, Zvicrës, Uruguait dhe po ashtu në kolegjet universitare të SHBA-ve.

Basketbollisti amerikan së fundmi është paraqitur te skuadra Qipriote Apop Parphou ku luajti me mesatare prej 18.7 pikë për ndeshje dhe 9.2 kërcime për ndeshje.

Rahoveci pas tri xhirove në Prince Caffe Superligën e Kosovës në basketboll renditet në pozitën e pestë ne tabelë me një fitore dhe dy humbje. /Gazeta10/