Shefi i diplomacisë së Bashkimit Evropian, Josep Borrell, njoftoi më 27 gusht se Kosova dhe Serbia kanë arritur marrëveshje për heqjen e dokumenteve për hyrje-dalje për shtetasit e dy vendeve.

“Në kuadër të dialogut të ndërmjetësuar nga BE-ja, Serbia është pajtuar që të heqë dokumentet për hyrje-dalje për qytetarët me letërnjoftime të Kosovës dhe Kosova është pajtuar që të mos lëshojë dokumente të tilla për qytetarët që posedojnë karta të identitetit të Serbisë”, tha ai përmes një postimi në Twitter.

We have a deal.

Under the EU-facilitated Dialogue, Serbia agreed to abolish entry/exit documents for Kosovo ID holders and Kosovo agreed to not introduce them for Serbian ID holders.

(1/2)

— Josep Borrell Fontelles (@JosepBorrellF) August 27, 2022

Lajmi është konfirmuar edhe nga Lajçak po ashtu, i cili ka falënderuar SHBA-të për këtë arritje.

Emisari special i BE-së për dialogun Kosovë – Serbi, e ka falënderuar të dërguarin e posaçëm të ShBA-së për Ballkanin Perëndimor, Gabriel Escobar për marrëveshjen e arritur mes Kosovës e Serbisë për heqjen e dokumenteve për hyrje-dalje për qytetarët e të dyja vendeve. /Gazeta10

I thank DAS Escobar and the 🇺🇸 diplomacy for their strong engagement in support of the 🇪🇺-facilitated Dialogue. https://t.co/6UqwpMh1Zn

— Miroslav Lajčák (@MiroslavLajcak) August 27, 2022