Ish-kryetari i Kuvendit të Kosovës, Kadri Veseli, në fjalën e tij përfundimtare para trupit gjykues tha se gjykata duhet me cdo kusht të mbrojë drejtësinë, të vërtetën dhe paanshmërinë.

“Përshëndetje të gjithë të pranishmëve në sallë dhe mysafirëve në sallën e pritjes dhe qytetarëve të Republikës së Kosovës. Në fund të gjykimit tim po ju drejtohem për të theksuar një pikë të vetme dhe të jashtëzakonshme prej rëndësie. Gjykata duhet me çdo kusht të mbrojë drejtësinë, të vërtetën dhe paanshmërinë. Kjo nuk është thjesht detyrë ligjore, është kontributi i saj i madh dhe trashëgimia që do të mbetet prej kësaj gjykate. Kjo është edhe shkaku që iu bashkova atyre mijëra grave e burrave që u rreshtuan në radhët e UÇK-së për lirinë e Kosovës.”