Deputeti shqiptar në Kuvendin e Serbisë, Shaip Kamberi, ka zhvilluar një takim me ambasadorin e Shteteve të Bashkuara të Amerikës në Serbi Christopher Hill ku kanë diskutuar për situatën në Luginë, raporton Gazeta10.

Kamberi ka thënë se ai e ka njoftuar ambasadorin e SHBA-së për kërkesat që ia kanë dhënë presidentit Aleksandër Vuçiq.

Tutje, Kamberi ka thënë se edhe prezenca më e madhe e SHBA-së në Luginë ishte pjesë e atij diskutimi.

Këtu keni statusin e plotë:

“Në Ambasadën e SHBA në Beograd, bashkëbisedova sot me Ambasadorin e Shteteve të Bashkuara të Amerikës , SH. T. Christopher R. Hill.

Me ambasadorin Hill bashkëbiseduam për kërkesat të cilat në emër të Koalicionit të shqiptarëve të Luginës ia kemi dhënë presidentit Vuçiq, për nevojën e realizimit të Planit 7 pikësh dhe për situatën në Luginë në përgjithësi.

Prezenca më e madhe e SHBA-ve në Luginë dhe përkrahja e kërkesave tona legjitime ishin temë e bashkëbisedimit tone”, ka shkruar Kamberi në llogarinë e tij në Facebook. / Gazeta10