Në emisionin “Mëngjesi me Arben Ahmetin” është dhënë një storie nga Kamenica ku ditë më parë ishte raportuar një problem me rrjetin e kanalizimit, njofton Gazeta10.

Ky kompleks banesor ku kanë shpërthyer ujërat e zeza gjendet në rrugën Skënderbeu në qendër të Kamenicës.

Njëri nga banorët ka thënë se edhe pse jeton në katin e 4-të prapë se lë rahat kundërmimi nga kjo gjendje.

“Unë banoj në katin e katërt, aq lartë e ndi një erë të hatashme edhe më ngulfatë”, ka thënë njëri nga banorët aty.

Një mërgimtar që jeton në atë kompleks ka thënë se s’mund të pushojnë mirë si shkak i këtij problemi.

“Vjen njeri në pushim, me pushu, mu knaq. Kur të hin në derë vjen era. Nuk është problemi vetëm për ne, se hajt ne vijmë një javë, dy javë, po këtu ka fëmijë”, ka thënë një mërgimtar i asaj banese. / Gazeta10