Fituesi i Topit të Artë, Karim Benzema do të vazhdojë bashkëpunimin e tij me Real Madridin.

Sipas raportimeve të fundit, Benzema ka arritur marrëveshje totale me Real Madiridin për rinovimin e kontratës dhe një gjë e tillë pritet të zyrtarizohet së shpejti.

Kontrata aktuale e sulmuesit francez me “Los Blancos” skadon në fund të këtij edicioni dhe të dyja palët kanë rënë dakord që ta vazhdojnë bashkëpunimin edhe për një vit tjetër.

Benzema është pjesë e Real Madridit që nga viti 2009, ku u transferua nga Lyoni për shumën e 35 milionë eurove.

35-vjeçari ka qenë në formë jetësore sezonin e kaluar me ekipin madrilien, ku arriti edhe të fitoj Topin e Artë.

Këtë edicion francezi është përballur me disa lëndime, por përkundër tyre ai ka arritur të realizojë 19 gola në 28 ndeshej të luajtura në të gjitha kompeticionet.

Benzema ka pasur një periudhë mjaft të sukseseshme te ekipi madrilien, ka ka arritur të fitojë plot 24 trofe.