KB Peja ka humbur njëri nga lojtarët e saj për pjesën e mbetur të sezonit 2024/25.

Bëhet fjalë për basketbollistin amerikan, Adong Makuoi, i cili ka humbur sezonin shkaku i një lëndimi të rëndën ë kraharor.

“Verdhezinjtë” një gjë të tillë e kanë bërë të ditur përmes një postimi në rrjetet sociale.

“Pas testeve të vazhdueshme të kryera gjatë kohëve të fundit, kemi ardhur në përfundim se basketbollisti i skuadrës tonë – Adong Makuoi, ka mbyllur sezonin pas lëndimit të rënd në krahëror. Fatkeqësisht, Makuoi nuk do mund të jetë ndihmë për skuadrën gjatë këtij edicioni, por KB Peja do ta vëzhgojë nga afër rikuperimin e tij me shpresën që çdo gjë do të kaloj në mënyrën më të mirë të mundshme.”

Skuadra e drejtuar nga Rami Hadar nuk e ka nisur mirë edicionin e ri.

Pejanët fillimisht u mposhtën në xhiron e parë nga Vëllaznimi, ndërsa dështuan të futeshin në grupet e FIBA Europe Cup, pasi pësuan nga Maroussi e Greqisë.