KRU Prishtina ka njoftuar se të martën e 18 prillit disa lagje në Prishtinë nuk do të kenë furnizim të ujit prej orës 09:00 e deri në ora 15:00 për shkak të punimeve teknike që janë duke u bërë në ato pjesë.

Lagjet Qershia, Swiss Village, Marigona 2 Veternik, Nic, Qëndresa dhe Zona Industriale – Çagllavicë.

”Arsyeja e ndërprerjes së furnizimit me ujë janë punimet teknike, respektivisht ndërrimi i segmentit të linjës AC DN 250 mm me linjë të re HDPE”, thuhet në njoftimin e KRU Prishtina.

“Realizimi i punimeve të tilla ndodh për një infrastrukturë ujore më funksionale dhe furnizim më të mirë me ujë të pijshëm”, vijon tutje njoftimi.