Ministri i Jashtëm i Greqisë, Nikos Dendias ka folur me përfaqësuesin special të Bashkimit Evropian për dialogun Kosovë-Serbi, Miroslav Lajçak, për situatën në veriun e Kosovës.

Kryediplomati grek ka thënë se para një vizite në Ballkanin Perëndimor bisedoi në telefon me Lajcakun, rreth uljes së tensioneve në veri të Kosovës.

“Në funksion të vizitave të mia në Ballkanin Perëndimor këtë javë, pata një bisedë telefonike më parë me Miroslav Lajçak, mbi Dialogun Beograd-Prishtinë dhe përpjekjet e ndërmarra për uljen e tensioneve në veri të Kosovës”, shkroi Dendias.

Në veriun e Kosovës ende nuk janë larguar barrikadat e vendosura në rrugët që çojnë në dy pikat kufitare me Serbinë, prej 10 dhjetorit.

Lista Serbe është lajmëruar disa herë nga këto barrikada, ndërsa pushteti në Serbi ka thënë se nuk i ka urdhëruar vendosjen e barrikadave.

Ndërkombëtarët kanë kërkuar heqjen e tyre, por emisari amerikan, Gabriel Escobar ka thënë se barrikadat duhet të largohen nga njerëzit që i kanë vendosur dhe me dialog.

Greece 🇬🇷 will continue to defend its sovereignty and sovereign rights in the context of International Law and International Law of the Sea. And we will spare no lawful means to defend those rights (from my statement following the meeting with Serbian Deputy PM & FM I. Dačić ). pic.twitter.com/GtciNbb5hy

— Nikos Dendias (@NikosDendias) December 19, 2022