Kryetari i Komunës së Ulqinit, Genci Nimanbegu, ka bërë një thirrje publike për qytetarët që nesër, në ora 11:00, të mblidhen para Parlamentit të Malit të Zi për të kundërshtuar planet për dhënien apo shitjen e Plazhit të Madh.

“Mesazhi ynë është i qartë: Plazhi i Madh as nuk jepet, as nuk shitet! Ajo është trashëgimi që i takon brezave që vijnë,” deklaroi Nimanbegu në një video-mesazh drejtuar qytetarëve.

Protesta synon të dërgojë një sinjal të fortë ndaj autoriteteve qendrore se pasuritë natyrore dhe publike të Ulqinit nuk janë për t’u tregtuar.