Kryeministri i Kosovës, Albin Kurti, pritet të udhëtojë drejt Shteteve të Bashkuara të Amerikës, ku do të marrë pjesë në punimet e Asamblesë së Përgjithshme të Organizatës së Kombeve të Bashkuara.

Lajmin e ka bërë të ditur gazetari dhe moderatori Arben Ahmeti gjatë emisionit “Adresa”.

Sipas Ahmetit, përveç pjesëmarrjes në Asamblenë e Përgjithshme të OKB-së, gjatë qëndrimit në SHBA priten edhe takime të tjera të Kurtit.

“Kryeministri Albin Kurti do të udhëtojë drejt SHBA-së, ku do të marrë pjesë në margjinat e Asamblesë së Përgjithshme të OKB-së dhe priten edhe takime të tjera”, ka deklaruar Ahmeti.