Kryeministri i Kosovës, Albin Kurti, ka zhvilluar një drekë pune me shefin e Programit të Kombeve të Bashkuara për Zhvillim në Kosovë (UNDP), Nuno Queiros, thuhet në njoftimin e ZKM-së.

Gjatë takimit Kurti dhe Queiros diskutuan rreth projekteve dhe programeve të bashkëpunimit.

Çështje tjetër e bisedës ishte dhe ajo e fondit të ekselencës, si një njësi e veçantë e ekspertizës, e cila financohet nga qeveria dhe menaxhohet nga UNDP.

Kryeministri Kurti e falënderoi shefin e UNDP-së “për bashkëpunimin e vazhdueshëm dhe të ngushtë, i cili përveç çështjeve të lartcekura ndër të tjerash përfshin edhe fushën e mbrojtjes së komuniteteve joshumicë dhe drejtësisë tranzicionale.” /Gazeta10/