Kryeministri i Republikës së Kosovës, Albin Kurti është deklaruar për gazetarin e Kanal10, Xhemajl Rexha, pas takimit në Bruksel me të dërguarin amerikan për dialog, Escobar. 

Teksa ka vlerësuar se takimi ka shkuar mirë, ka treguar se takimi ishte përgatitor për takimin e nesërm, transmeton Gazeta10. 

“Janë dy tema të rëndësishme. E para është elementet e kornizës së përgjithshme për marrëveshje që duhet të jetë marrëveshje për normalizim të plotë në mes të marrëdhënieve mes Kosovës e Serbisë, me njohje reciproke, dhe tjetra është çështjet aktuale, ku natyrisht pritet të trajtohen të gjitha marrëdhëniet bilateral me të gjitha vështirësitë që janë shfaqur kohëve të fundit”, ka deklaruar kryeministri Kurti./Gazeta10