Lista Serbe ka dorëzuar ditën e sotme mandatet e deputetëve të saj në Kuvendin e Kosovës. Në mënyrë demonstrative pas vendimit të së shtunës, ata edhe zyrtarisht sot në mëngjesë kanë deponuar dorëheqjet në administratën e Kuvendit, raporton Gazeta10.

Kuvendi i Republikës së Kosovës, ka publikuar dorëheqjet e deputetëve serb pas deklaratës së Kryetarit të Kuvendit, Glauk Konjufca.

“Referuar deklaratës së kryetarit të Kuvendit të Republikës së Kosovës, Glauk Konjufca, po publikojmë shkresat e dorëheqjeve të deputetëve të subjektit politik parlamentar Lista serbe.”, thuhet në njoftim./Gazeta10.