Gazetari Xhemajl Rexha në një lidhje direkte për Emisionin e Mëngjesit të Kanal10 nga Brukseli ka shtuar se përfaqësuesi Evropian për dialogun Kosovë-Serbi, Miroslav Lajçak, ka thënë se shpreson që nuk do të ndodh serish ajo çfarë ndodhi rreth një muaj më parë, raporton Gazeta10.

“Lajçak ka thënë kur e kemi pyetur se shpreson se nata e 31 gushtit të mos jetë si ajo e 31 korrikut me tensione e me dërgimin e njësive speciale në veri të Kosovës dhe me ngritjen e barrikadave të serbëve lokal për të kundërshtuar nisjen e implementimit të reciprocitetit për dokumentet dhe vazhdimin e  ndërrimit të targave të paraluftës në targa të Republikës së Kosovës.”

Xhemaj Rexha gjithashtu bëri të ditur se sipas Escobar, SHBA vazhdon të mbështes Kosovën në këtë dialog.

“Escobar është këtu, ka takuar ndaras presidentin Vuçiq dhe më pastaj edhe kryeministrin Kurti të shoqëruar nga Lajçak”, tha ndër të tjera Rexha./Gazeta10.