Analisti politik, Blerim Latifi, e ka lidhur situatën e fundit në Mal të Zi edhe me Kosovën, njofton Gazeta10.

Latifi ka thënë se janë dy pika të marrëveshjes së Abazoviqit me Kishën Ortodokse Serbe që pregatitin shtet të dytë në Mal të Zi.

Tutje, Latifi ka thënë se klero-fashizimi serb do të kërkojë të njejtën gjë edhe në Kosovë nëse kjo marrëveshje nuk prapakthehet.

Këtu keni statusin e plotë:

“Qe dy pika nga marrëveshja e Abazoviqit me Kishën Ortodokse Serbe, për ta kuptuar se me këtë marrëveshje Kisha Ortodokse Serbe praktikisht bëhet një shtet brenda shtetit malazez dhe Mali i Zi gradualisht duhet të përshëndet me pavarësinë e tij nga Serbia:

– Marrëveshja e detyron qeverinë malazeze të njohë imunitetin diplomatik apo të drejtat ekstraterritoriale të institucioneve të Kishës Ortodokse Serbe në vend – gjë që i përjashton ato nga juridiksioni / ligjet lokale.

-Gjithashtu, ajo i jep Kishës Ortodokse një status juridik i cili në disa zona, parashikohet të jetë i njëjti me atë të institucioneve qeveritare.

Nëse kjo marrëveshje nuk prapakthehet, atëherë klero-fashizmi serb do të marrë krahë për të kërkuar edhe një shtet tjetër brenda shtetit në Kosovë”, ka shkruar Latifi në llogarinë e tij në Facebook.

Sot në Mal të Zi ka zhvillime të mëdha politike ku kryeministri i Malit të Zi, Dritan Abazoviq, ka nënshkruar Marrëveshjen me Kishën Ortodokse Serbe atje.

Pak minuta më pas, partia e presidentit të Malit të Zi, Millo Gjukanoviq, ka nisur nismën për mocionin e mosbesimit ndaj qeverisë malazeze duke premtuar shfuqizim të menjëherëshëm të marrëveshjes së nënshkruar sot. / Gazeta10