Ministri i Jashtëm i Rusisë ka thënë se Mbretëria e Bashkuar dhe Franca janë të angazhuara në nxitjen e mëtejshme të konfliktit në Ukrainë me diskutimin e një force paqeruajtëse europiane që do të vendosë trupa në terren në vend në rast të një marrëveshjeje paqeje.

Duke folur në Katar, Sergei Lavrov tha se qasja e Europës ndaj konfliktit insiston në nxehjen e tij, në vend që ta ftohë atë dhe t’i shikojë shkaqet rrënjësore, raporton The Guardian.

Ai tha se balanca e forcave ka ndryshuar në Europë dhe se vendet europiane po përpiqen ta minojnë këtë me paketa të reja të ndihmës ushtarake për Ukrainën.

Lavrov njoftoi gjithashtu se do ta ketë një takim SHBA-Rusi në Stamboll të enjten dhe i akuzoi vendet europiane se gënjejnë kur thonë se Rusia nuk është e gatshme të negociojë për Ukrainën.