Liverpooli ka barazuar kundër Fulhamit me rezultat 2-2, në ndeshjen e parë këtë edicion në Premierligë.

Fulhami e nisi më mirë ndeshjen dhe golin e avantazhit e gjetën pas gjysmë ore lojë, me anë të sulmuesit, Alexander Mitrovic.

Goli i Mitrovic, ishte i vetmi në pjesën e parë.

Në pjesën e dytë, Liverpooli arriti ta barazoi rezultatin më anë të Darwin Nunez, i cili shënoi golin e parë në Premierligë.

Fulhami arriti që të kalojë përsëri në epërsi, golashënues ishte përsëri Mitrovic, që u tregua i saktë nga penalltia.

Pas golit të dytë të pësuar, Liverpooli nuk u dorëzua dhe përsëri arritën që ta barazonin rezultatin me anë të Mohamed Salah.

Ndeshjen e ardhshme në elitën e futbollit anglez, Liverpooli e luan në shtëpi ndaj Crystal Palace, ndërsa Fulhami përballet me Wolverhamptonin.