Raportimet nga mediat franceze në lidhje me katër ndeshje të kurdisura në Kosovë kanë bërë bujë të madhe të enjten.
Në lidhje më këtë ngjarje, ka folur edhe redaktori i sportit në Kanal10, Lorik Gashi në emisionin “Prime Time”.
Gashi deklaroi se një klub është duke u hetuar për trukimin e katër ndeshjeve dhe se ky mund të jetë skandali më i madh në historinë e sportit kosovar.
“Sipas mediumeve franceze, një klub është duke u hetuar për trukimin e katër ndeshjeve. Sipas mediave franceze ekipi që është duke u hetuar është Llapi. Këto ndeshje kanë qenë duke u hetuar nga Gjykata Franceze për një vit e gjysmë. Ndeshjet që janë duke u trukuar kanë qenë në kuadër të Superligës së Kosovës. Ky mund të jetë skandali më i madh në historinë e futbollit kosovar”, ka deklaruar Gashi në Prime Time. /Gazeta10