Erik ten Hag ia ka dalë që në sezonin e tij debutues te Manchester United të fitojë trofeun e parë, por edhe që u bë holandezi i parë që e arrin këtë sukses.

Djajtë e Kuq triumfuan 2-0 ndaj Newcastle United në finalen e Carabao Cup, duke e fituar trofeun e parë për këtë sezon, derisa garojnë edhe në tri gara të tjera.

Pas 33 minutash lojë, United kaloi në epërsi me golin e Casemiros, ndërsa Luke Shaë ishte asistuesi.

Gjashtë minuta më vonë, skuadra e drejtuar nga Ten Hag realizoi edhe të dytin, fal një auto-goli nga Steven Botman.

Wout Weghorst (45+4’) humbi një mundësi të artë, pasi nuk arriti të mposhte nga afërsia Loris Kariusin.

Pjesa e dytë ishte më e dominuar nga Newcastle, që tentonte herë pas here të ngushtonte epërsinë e Djajve të Kuq.

Marcus Rashford bëri një gjuajtje të fuqishme në minutën e 74-të, ndërsa më brilante ishte ndërhyrja e Karius.

Newcastle kishte dy shanse të mira shënimi, mirëpo nuk ia doli ta mposhte David de Gean, ndërsa Bruno Fernandes (90+3′) nuk arriti të mposhte ish-portierin e Liverpoolit nga dy metra distancë, derisa në krah e pati Rashfordin dhe nuk pasoi.

United ia doli që deri në fund të mbante epërsinë prej 2-0, për të fituar kështu Carabao Cup apo siç njihet ndryshe edhe si EFL Cup.