Roma ka shprehur interesim për shërbimet e sulmuesit spanjoll, Marco Asensio, raporton Gazeta10.

Siç raportojnë mediat italiane, Asensio te Roma pritet të jetë pasuesi i Nicolo Zaniolos, i cili me shumë gjasë pritet të largohet nga kampionati italian gjatë kësaj merkatoje.

Asensio pritet të largohet nga Real Madridi këtë verë, pasi ai nuk bën pjesë në planet e Carlo Ancelottit për këtë edicion.

Asensio poashtu pëlqehet shumë edhe nga trajneri i Romës, Jose Mourinho i cili e do atë në ekipin e tij për të përforcuar fazën ofanzive.

Sulmuesi spanjoll ka kontratë me Real Madridin deri në verë ne vitit të ardhshëm dhe vlera e tij në treg është rreth 40 milionë euro.

26-vjeçari është pjesë e “Los Blancos” që nga viti 2015, ku u transferua nga skuadra tjetër spanjolle Mallorca, për shumën e tre milionë eurove.

Ai ka pasur një karrierë mjaft të pasur me ekipin madrilien, ku ka fituar plot 15 trofe.

Me fanellën madriliene, Asensio ka zhvilluar plot 235 ndeshje deri më tani, prej të cilave ka shënuar 49 gola dhe ka dhuruar 24 asistime. /Gazeta10/