Gazetari dhe njëherësh analisti politik, Halil Matoshi në ‘Politiko’ me Kushtrim Sadikun, ka komentuar tubimet e liderëve të partive politike në diasporë.

Vendimin e partive politike për të shpërfaqur programin e tyre në diasporë, Matoshi e ka cilësuar si “absurd”.

“Diasporës realisht ua kisha hjek të drejtën e votës me automatizëm. Nuk kanë çka lypin ata me ndiku jetën e njerëzve në Kosovë. Mund të bëhet një ligj i posaçëm me i pasë dy përfaqësues, e jo me ndiku jetën e njerëzve që jetojnë këtu”, ka thënë Matoshi.

Ai ka thënë gjithashtu se diaspora nuk mund të ndikojë në jetën në Kosovë përmes votës.

“Nuk është as morale. Është shumë absurde ata me ndiku jetën tonë këtu. Është e patolerueshme”, ka thënë Matoshi. /Gazeta10/