Kryetari i Komunës së Çairit, Izet Mexhiti, ka përkujtuar katër viktimat që humbën jetën më 6 nëntor 1992, gjatë protestave në Bit Pazar, ku dhjetëra të tjerë u plagosën nga përdorimi i forcës policore.

Përmes një postimi në Facebook, Mexhiti ka bërë të ditur se në emër të Komunës së Çairit janë vendosur kurora me lule në nderim të viktimave.

Ai ka theksuar se kjo ditë shënon një pikë kthese në angazhimin qytetar të shqiptarëve për barazi dhe respektimin e të drejtave të tyre.

Mexhiti ka theksuar se përgjegjësia e institucioneve sot është mbrojtja dhe avancimi i të drejtave të të gjitha komuniteteve, duke garantuar trajtim të barabartë për çdo qytetar./Gazeta10