Ministri i Mbrojtjes, Armend Mehaj, me një postim në Facebook, ka njoftuar se ka vizituar sot komunën e Rahovecit, për të parë dëmet që janë shkaktuar pas vërshimeve të mëdha, Mehaj u prit nga kryetari i komunës, Smajl Latifi, raporton Gazeta10.

Latifi tregoi se ekpet e FSK-së pritet të ndërhyjnë me disa makineri për hapjen e disa kanaleve, për të pasur shkarkime më të papenguara të ujërave në Drinin e Bardhë.

“Pas vlerësimit të gjendjes faktike nga reshjet e fundit në komunën tonë, ekipet e FSK-së, pritet që të ndërhyjnë me makineri të cilat për hapjen e disa kanaleve dhe vijave për të pasur shkarkime më të papenguara të ujërave në Drinin e Bardhë”, ka shkruar Latifi./Gazeta10.