E ardhmja e Mohamed Salah tek Liverpooli ka qenë një ndër diskutimet më të mëdha këtë sezon në Ligën Premier, por kjo nuk e ka ndalur sulmuesin që ta ‘ndezë’ garën për titull.

Ai udhëhoqi Liverpoolin drejt një fitoreje me rezultat 2-0 ndaj Manchester Cityt të dielën, por pas ndeshjes, ai sugjeroi se kjo ka mundur të jetë ndeshja e tij e fundit ndaj këtij rivali në ‘Anfield’.

Kontrata e sulmuesit egjiptian pritet të skadojë në fund të sezonit dhe së fundmi ai zbuloi se klubi ende nuk i ka ofruar një marrëveshje të re.

“Sinqerisht, është në kokën time. Deri tani, kjo ishte ndeshja ime e fundit ndaj Man Cityt që do të luajë për Liverpoolin, kështu që vetëm e shijova”.

“Atmosfera ishte e jashtëzakonshme, kështu që do ta shijojë çdo sekondë këtu. Shpresoj që ne të fitojmë ligën dhe të shohim se çfarë do të ndodhë”, ka thënë Salah.

“Është shumë e veçantë. Nuk e marrë si të mirëqenë, ndihem sikur në shtëpi. Është gjithmonë një ndjenjë e veçantë, gjithmonë, të shënosh në Anfield dhe të fitosh ndeshjet”.

“Është çmenduri, tifozët ishin pas nesh që nga minuta e parë dhe jam krenar që arritëm ta fitojmë ndeshjen”.

“Ne e dinim se City do të vinte këtu dhe të përpiqej ta fitonte ndeshjen, por ne arritëm të bëjmë një ndeshej të mirë dhe ta fitojmë atë”, përfundoi ai