Ministria e Punëve të Brendshme ka ndarë katër milionë euro një kompanie gjermane “Veridos GmbH”, për furnizimin me material për dokumente nga Ministria e Punëve të Brendshme dhe e Administratës Publike.

Kompania gjermane do të bëjë furnizimin e Ministrisë me dokumente blanko, pasaporta, letërnjoftime dhe patentë shoferë.

Nënshkrimi i kësaj kontrate mes MPB dhe “Veridos GmbH”,  do të bëhet më 14 dhjetor të këtij viti, ndërsa do të vlejë vetëm 1 vit.

Tash e disa muaj, qytetarët e Kosovës s’kanë mund të pajisjen me dokumente nga Ministria e Punëve të Brendshme dhe e Administratës Publike, për shkak të mungesës së materialit.

Javë më parë u njoftua se nuk do të ketë material për lëshimin e dokumenteve të tilla deri në fund të muajit janar 2023./EO