Sot në përvjetoin e Marrëveshjes së Ohrit është përuruar fabrika e veturave elektrike në Tetovë, raporton Gazeta10.

Kjo fabrikë është stacionuar në Zonën e lirë ekonomike të Tetovës, teksa këtë lajm e ka bërë të ditur Kryetari i Bashkimit Demokratik për Integrim, Ali Ahmeti.

Ahmeti ka thënë se ka përgëzuar mikun e tij Lazim Destanin i cili në bashkëpunim me Qeverinë e Maqedonisë së Veriut do të realizojë këtë investim.

Ky investim pritet të jetë në vlerë prej 130 milion eurove dhe do të hap 890 vende të reja të punës.

Këtu keni postimin e plotë:

“Nuk mund të ketë mënyrë më të mirë për të shënuar përvjetorin e Marrëveshjes së Ohrit se përurimi i një investimi të ri, fabrikës së re për prodhimin e veturave elektrike e.GO në Zonën e lirë ekonomike në Tetovë.

Përgëzova mikun tim Lazim Destanin që në bashkëpunim me Qeverinë do ta realizojnë këtë investim prej 130 milionë eurove duke mundësuar hapjen e 890 vendeve të reja të punës”, ka shkruar Ahmeti në llogarinë e tij në Facebook. / Gazeta10