Presidenti rus, Vladimir Putin, nesër do të takohet me homologun turk Recep Tayyip Erdogan në Kazakistan.

Këtë e ka bërë të ditur ndihmësi i Kremlinit, Yuri Ushakov.

Të dy liderët pritet të takohen në kryeqytetin e Kazakistanit për të diskutuar situatën në Ukrainë dhe gjendjen e marrëveshjes të ndërmjetësuar në muajin korrik nga Kombet e Bashkuara dhe Turqia për të zhbllokuar eksportet bujqësore të Ukrainës nga portet e saj jugore.