Deputeti i PDK-së, Artan Behrami, gjatë intervistës në emisionin “Politiko”, ka folur edhe për angazhimin e tij në çështjet që lidhen me Gjykatën Speciale në Hagë.

Behrami tha se ndihet i nderuar që ka qenë këshilltar i ish-presidentit Hashim Thaçi.

“Sa i takon Çalit, unë kam qenë këshilltar i Hashim Thaçit edhe jam i nderuar prej ditës së parë. Kam folur për Çalin, për Nasim Haradinajn, për Gucatin, për të tanë. Edhe arsyeja pse unë kam hyrë në politikë ka qenë pikërisht kjo: me hy me ndryshu ligjin, me hy me kriju mekanizma mbikëqyrës për këtë gjykatë”, ka deklaruar Behrami.