Një person është plagosur në fshatin Peran të Podujevës, derisa ishte duke qëndruar në oborrin e tij, raporton Gazeta10.

Policia njofton se në vendin e ngjarjes kanë dalë njësitë relevante policore për ta hetuar rastin, si dhe janë intervistuar tre dëshmitarë.

“VRASJE E RËNDË NË TENTATIVË- Peran, Podujevë  25.02.2023-20:50.   Viktima mashkull kosovar është dërguar në QKUK për trajtim mjekësor pasi që i njëjti derisa ka qenë në oborr është goditur nga një plumb. Njësitë relevante policore dhe njësiti K-9 kanë dal në vendin e ngjarjes. Në lidhe me rastin janë intervistuar tre dëshmitar rasti, është njoftuar prokurori dhe rasti është në procedurë hetimore”, thuhet në raport.

Rasti është iniciuar si “vrasje e rëndë në tentativë”./Gazeta10