Autori Sir Salman Rushdie u godit me thikë teksa po fliste në një ngjarje në Nju Jork dje në mbrëmje. Rushdie, autori i 14 romaneve, po shfaqej në Institutin Chautauqua në perëndim të Nju Jorkut për të folur për rëndësinë e ofrimit të azilit nga SHBA për shkrimtarët dhe artistët e tjerë në mërgim, shkruan The Guardian, transmeton Gazeta 10.

“Lajmet nuk janë të mira, Salmani me gjasë do të humbasë njërin sy, nervat në krahun e tij janë këputur, dhe mëlçia e tij është dëmtuar pasi është godtur me thikë”, tha Andrew Wylie agjenti i Rushdie të premten në mbrëmje, shkruan The Guardian.

Që nga publikimi i librin e tij të vitit 1988 The Satanic Verses, fituesi i Çmimit Booker ka jetuar për dekada me kërcënime ku edhe është vendosur një shpërblim prej më shumë se 3 milion dollarë për vrasjen e tij.

Policia e ka identifikuar të dyshuarin si Hadi Matar, 24-vjeçar nga Nju Xhersi. Autoritetet besojnë se ai po vepronte i vetëm dhe nuk kanë gjetur ende ndonjë tregues për motivin e tij, shkruan The Guardian. / Gazeta 10.