Presidentja Vjosa Osmani ka kujtuar masakrën e dytë në Abri të Epërme, të kryer nga regjimi gjenocidal i Serbisë, e që familja Muliqi humbi tetë martirë dhe një dëshmor të UÇK-së.

Në mesin e martirëve ishin edhe katër fëmijë Ganiu, Musa, Behrami dhe Sefa, të cilët nuk patën mundësinë të jetojnë fëmijërinë e tyre.

“Me respekt dhe mirënjohje të thellë, qëndrojmë pranë familjes Muliqi dhe të gjitha familjeve të dëshmorëve dhe martirëve që dhanë gjithçka për Kosovën”, u shpreh e para e vendit.