Presidentja e Kosovës, Vjosa Osmani ka reaguar pas vendimit të Departamentit amerikan të Thesarit, i cili ka futur në listën e sanksioneve amerikane, Aleksandar Vulin, drejtorin e Agjencisë së Inteligjencës Serbe-BIA.

Presidentja Osmani ka thënë se Vulini dhe grupi i tij dëmtoi demokracinë dhe kërcënoi paqen në rajonin tonë.

Osmani ka shkruar në Twitter se ai i shërbeu interesit keqdashës të Rusisë dhe krimit të organizuar transnacional, duke minuar kështu stabilitetin e rajonit.

“Unë përgëzoj SHBA-në për vendimin për ta sanksionuar atë. Së bashku me aleatët tanë do të luftojmë ndikimin e akterëve të tillë keqdashës”, ka shkruar ajo.