Kolektivi për Mendim dhe Veprim Feminist do të mbajë nesër aksion simbolik para stacionit të Policisë së Kosovës në Prishtinë.

Ky aksion vjen pas plagosjes së një gruaje nga burri i saj në Fushë-Kosovë.

“Ju ftojmë të na përcillni nesër në një aksion simbolik pranë stacionit policor në Prishtinë, duke filluar nga ora 11:00. Aksioni vjen si kundërpërgjigje ndaj tentim-vrasjes së një gruaje në Fushë Kosovë nga bashkëshorti i saj, i arrestuar dy ditë më parë për dhunë në familje. Urojmë të na bashkangjiteni.” – thuhet në njoftimin e tyre.