Policia e Kosovës ka bërë të ditur se gjatë ditës së djeshme ka identifikuar katër automjete në rrugët “Adem Jashari” dhe “Bujar Boka” të cilët po bënin gara shpejtësie me njëri-tjetrin.

Ndaj këtyre ngasësve janë ndërmarrë masa bazuar në ligjin për trafikun rrugor, ku tre prej shoferëve janë dënuar me nga 150 euro gjobë, ndërsa një tjetër me 300.

Komunikata e plotë:

Bënin gara shpejtësie, ndërmerren masa ligjore ndaj ngasësve të automjeteve

Me qëllim ngritjen e sigurisë në komunikacionin rrugor, Drejtoria Rajonale e Policisë në Gjakovë është duke vazhduar me aktivitete policore me qëllim parandalimin e aksidenteve të trafikut, identifikimin e kundërvajtësve, në veçanti identifikimin dhe parandalimin e organizimit të garave të shpejtësisë.

Njësia Rajonale e Komunikacionit Rrugor në Gjakovë me datën 11.03.2024 kanë identifikuar dhe ndalur katër automjete në rrugët “Adem Jashari” dhe “Bujar Roka”, ngasësit e të cilave bënin gara shpejtësie, me ç’rast kishin bërë edhe shkelje të tjera të rregullave të trafikut. Ndaj këtyre ngasësve janë ndërmarrë masa bazuar në ligjin për trafikun rrugor.