Anëtarja e Komisionit Hetimor për të Drejta të Njeriut, Ariana Musliu-Shoshi, ka njoftuar në facebook  se kanë pranuar një peticion nga Sindikata e Policisë së Kosovës, perms së cilit kërkohet përmirësim i kushteve të punës.

Ajo ka shkruar se peticionin e kanë nënshkruar 5623 pjesëtarë të Policisë, e në mesin e kërkesave janë shtesa e rrezikshmërisë në punë, shtesa për punë të veçantë, klasifikimi në koeficient për stafin civil, shujta mujore, shpërblimi për fund të vitit për përformancë të mirë, tri paga përcjellëse për të pensionuarit, zbritje e përvojës së punës, sigurim shëndetësor e jetësor dhe Ligji për pensionim në Polici.

Deputetja e PDK-së ka thënë se nëpërmjet votës, pushteti duhet të dëshmojë përkrahjen.