Presidenti i Malit të Zi, Milo Gjukanoviq ka reaguar pas tragjedisë së të premtës pasdite në Cetinje ku mbetën të vrarë 11 persona nga një 34-vjeçar, shkruan Gazeta10.

Gjukanoviq në një postim në Twitter ka shprehur ngushëllimet për familjet e viktimave, si dhe ka kërkuar që të gjithë shoqëria të solidarizohet me familjarët e viktimave në këto momente të vështira.

“Jam thellësisht i tronditur nga lajmi për tragjedinë e tmerrshme në Cetinë. Shpreh ngushëllimet e mia të sinqerta për familjet e viktimave, për të gjithë ata që kanë humbur të dashurit e tyre. Ne si shoqëri duhet të solidarizohemi me ta në këto momente të vështira. Të lënduarve u uroj shërim të shpejtë”, ka shkruar ai.

Postimi i plotë:

Duboko sam potrešen viješću o strašnoj tragediji na Cetinju. Izražavam najiskrenije saučešće unesrećenim porodicama, svima koji su izgubili svoje najmilije. Svi kao društvo moramo biti solidarni s njima u ovim teškim trenucima.

— Milo Đukanović (@predsjednik_cg) August 12, 2022