Në emsionin “Mëngjesi me Arben Ahmetin”, drejtori i Inspektoriatit në Komunën e Prishtinës, Florian Dushi, ka folur për planet, punën e sfidat që kanë përpara në atë drejtori, raporton Gazeta10.

Dushi ka thënë se kanë zhvilluar plane e aksione e të cilat po vlerësohen pozitivisht.

“Kemi ndërtuar plane dhe kemi zhvilluar aksione të ndryshme, të cilat megjithatë për këtë gjashtë-mujor do të thoja po cilësohen pozitivisht”, ka thënë Dushi.

Tutje, ai ka thënë se ka mungesë të kapaciteteve, dhe se kjo është arsyeja në vonesën e trajtimit të disa rasteve.

“Absolutisht. Ka mungesë të kapaciteteve, ka mungesë logjistike dhe prandaj po vonohemi në trajtimin e disa rasteve, megjithatë kjo nuk nënkupton që asnjë rast të mbetet anash”, ka shtuar tutje Dushi.

Dushi, ndër të tjera, ka folur edhe për aksionet kundër shitësve ambulantë e ku ka dhënë edhe shifër të këtij aksioni.

“Gjatë javës së kaluar kemi zhvilluar një aksion ku kemi identifikuar dhe larguar diku rreth 100 pika në Prishtinë ku ka shitësë të tillë ambulant”, ka thënë ai. / Gazeta10

Këtu mund ta ndiqini emisionin: