Kryetari i Prishtinës, Perparim Rama, ka folur për ekspozitën e Pietro Marubit që është e hapur në Prishtinë, raporton Gazeta10.

I pari i Prishtinës ka publikuar të dhënat kryesore të kësaj ekspozite të përcjellur edhe me disa fotografi.

Në bazë të njoftimit të Ramës, kjo ekspozitë e Pietro Marubit po ekspozohet në Muzeun Entologjik në Prishtinë.

Ekspozita është kuruar nga Luçjan Bedeni.

Këtu keni njoftimin e plotë:

“Marubi i Shkodrës vjen në Prishtinë!

Pietro Marubi, fotografi dhe arkitekti italian që kaloi më shumë se gjysmën e jetës së tij në Shqipëri, memorizoi Shqipërinë e kohës së Perandorisë Osmane në 500,00 negativ, koleksion i fotografive që tani po ekspozohet në Muzeun Etnologjik në Prishtinë.

Ekspozita është e kuruar nga Luçjan Bedeni, drejtor i Muzeut Marubi dhe autor i një studimi autoritativ të evolucionit të studios që vështron historinë e Marubit nëpërmjet lenteve të migracionit.

Këto fotografi datojnë prej gjysmës së dytë të shekullit të XIX e deri në fund të shekullit XX, arkiva e Muzeut Kombëtar të Fotografisë Marubi, ka histori të panumërta për të rrëfyer.

Ekspozita është e hapur deri më 30 tetor 2022”, ka shkruar Rama në llogarinë e tij në Facebok. / Gazeta10