Kryeministri i Shqipërisë, Edi Rama, ka njoftuar se Parlamenti i Zvicrës ka miratuar marrëveshje për Sigurimet Shoqërore me Shqipërinë, raporton Gazeta10.

Rama ka falënderuar Qeverinë Zvicerane për punën e palodhur dhe për arritjen e kësaj marrëveshjeje.

Po ashtu, Rama ka thënë se edhe kryeministrja e Italisë, Giorgia Meloni, i ka premtuar nënshkrimin e një marrëveshjeje me Italinë.

Këtu keni postimin e plotë:

“LAJM I MIRË

Parlamenti zviceran miratoi me 129 vota pro marrëveshjen për Sigurimet Shoqërore me Shqipërinë, e cila u firmos në Tiranë më 18 shkurt të këtij viti

Faleminderit Qeverisë Zvicerane, parlamentarëve zviceranë dhe padiskutim ekipeve teknike të përbashkëta, të cilat punuan pa u lodhur për këtë marrëveshje të shumëpritur për shqiptarët që punojnë e kontribuojnë në Zvicrën mike

***Kryeministrja Giorgia Meloni më premtoi pardje në Tiranë, se shumë shpejt do të votohet në parlamentin italian edhe marrëveshja e shumëpritur me Italinë”, ka shkruar Rama në llogarinë e tij në Facebook. / Gazeta10