Kryeministri i Shqipërisë, Edi Rama, ka pritur në zyren e tij boksierin Florian Marku, raporton Gazeta10.

Rama ka thënë se është i nderuar nga vizita e yllit të sportit shqiptar, Florian Markut.

Edi Rama ndeshjen e Markut më 25 gusht e ka konsideruar si një ndeshje për historinë e boksit botëror në kategorinë sipërore WBC.

Këtu keni postimin e plotë:

“I nderuar nga vizita e një tjetër ylli të sportit shqiptar, superstarit të ringut Florian Marku, që pasnesër, të enjten 25 gusht, synon në Air Albania Arena gjerdanin e madh të kampionit të kategorisë sipërore WBC, në një ndeshje për historinë e boksit botëror”, ka shkruar Rama në llogarinë e tij në Facebook.

Boksieri Florian Marku do të përballet me me meksikanin Miguel Parra Ramirez. / Gazeta10