Kryeministri i Shqipërisë, Edi Rama, ka njoftuar se 76 mijë vizitorë kanë ardhur në Shqipëri, raporton Gazeta10.

“Lumi i Shalës dhe Liqeni i Komanit janë destinacionet që po kthehen ndër më të preferuarit e turistëve të huaj”, ka shkruar Rama ndër të tjera.

Rama këtë njoftim e ka bërë në kuadër të proklamimit të qendrave turistike të Shqipërisë.

Këtu keni statusin e plotë:

“Lumi i Shalës dhe Liqeni i Komanit janë destinacionet që po kthehen ndër më të preferuarit e turistëve të huaj.

Dy blogerët kanadezë Steve&Ivana së bashku me miken e tyre amerikane kanë vendosur t’i eksplorojnë përmes lundrimit me kajak këto perla të natyrës shqiptare, duke e ndarë me ndjekësit e vlogut të tyre këtë përvojë unike.

76 mijë vizitorë amerikanë kanë ardhur në Shqipëri në këta shtatë muaj, 50% më shumë se një vit më parë;

E po ashtu rritje e ndjeshme e turistëve nga Kanadaja prej nga kanë ardhur 13 mijë vizitorë krahasuar me 5 mijë të së njëjtës periudhë vjet”, ka shkruar Rama në llogarinë e tij në Facebook. / Gazeta10