Real Madridi është në kërkim të një qendërmbrojtësi në merkaton e janarit.

Në listën e dëshirave të “Los Blancos” është edhe mbrojtësi i Valencias, Yarek Gasiorowski.

Gasiorowski është vjetëm 19-vjeçar dhe ka impresionuar me paraqitjet e tij me fanellën e Valencias.

Klauzola e largimit të reprezentuesit spanjoll është 45 milionë euro, shumë kjo që nuk paraqet ndonjë problem për kampionët e Spanjës dhe të Evropës.

19-vjeçari është paraqitur në dy ndeshje me Valencian këtë edicion dhe shihet si një nga mbrojtësit me të ardhme të ndritur.

Real Madridi në verë synonte transferimin e Leny Yoros për të përforcuar mbrojtjen, por francezi në fund vendosi që t’i bashkohej Manchester United.